എല്‍സമ്മയുടെ തിരുവെഴുത്തുകള്‍

വയസ്സ് ഇരുപത്തിനാലു ആയില്ലേ? ആം. ഇനി വേണേല്‍ കെട്ടിക്കാം. ജോലി ഒക്കേ ആയില്ലേ? അതിന്. പറഞ്ഞന്നേയുള്ളു, വയസ്സു ശടെന്നു പോകും. ഇപ്പോ കെട്ടിയിലേല്‍ പിന്നെ എപ്പഴാ? മൂക്കില്‍ പല്ല് മുളച്ചിട്ടോ. എനിക്ക് എപ്പോള്‍ കല്യാണം വേണ്ട. എന്നാല്‍ നീ പഠിക്കാന്‍ പോ. … Continue reading എല്‍സമ്മയുടെ തിരുവെഴുത്തുകള്‍

തുടക്കം നന്നായില്ലേങ്കിലോ

രാവിലെ  കണ്ട ഒരു വീഡിയോ മനസ്സില്‍ കിടക്കുവാണ്. അസം സ്വദേശിനിയായ ഹിമ ദാസ്‌ അണ്ടർ-20 ലോക അത്‌ലറ്റിക് ചാമ്പ്യൻഷിപ്പിൽ 400 മീറ്ററിൽ സ്വര്‍ണം നേടുന്നു, അതും ഇന്ത്യയുടെ ചരിത്രത്തില്‍ ആദ്യമായി ട്രാക്കില്‍. കുറഞ്ഞത്‌ നാലഞ്ച് തവണ എങ്കിലും അതു കണ്ടു കാണും. കാരണം … Continue reading തുടക്കം നന്നായില്ലേങ്കിലോ

മരുഭുവിലെ മരുപച്ചകള്‍

എഴുതിക്കൂടെ എന്തെങ്കിലും? ചുമ്മാ ഇരുപ്പാണ്. ഒന്നും പറയാതെ, ഒന്നും ചിന്തിക്കാതെ, ഒറ്റ പുസ്തകം തൊടാതെ. എന്തേലും ചോദിച്ചാല്‍, കാച്ചിക്കുറുക്കിയ ചില മറുപടികള്‍. അത്ര തന്നെ. ആകെയുള്ളത് നിലക്കാത്ത ചില തോണ്ടലുകളാണ്. കോപ്പിലെ ചില ആപ്പുകള്‍! ചില നേരത്തെ വിജിലംബിച്ച ആ നോട്ടം … Continue reading മരുഭുവിലെ മരുപച്ചകള്‍

ജാതി പറയുന്ന പ്രബുദ്ധ കേരളം

“ജാത്യാലുളളത് തൂത്താല്‍ പോകില്ല”
പഴഞ്ചൊല്ലാണ്, പതിരുമുണ്ട്.

കേരളത്തിൽ വേരൂന്നിക്കിടക്കുന്ന ജാതീയ വിഷം എത്രമേൽ ഭീകരമാണെന്ന് തെളിയിക്കുന്നതാണ് കെവിന്റെ കൊലപാതകം. ഏറെക്കാലം മുൻപ് വരെ ഇതര സംസ്ഥാനങ്ങളിൽ മാത്രം കേട്ടിരുന്ന ദുരഭിമാനകൊലകൾ പുരോഗമനവാദികളായ മലയാളികളുടെയിടയിലും ഒരു യാഥാർത്ഥ്യമാണെന്ന വസ്തുത തിരിച്ചറിയേണ്ടതുണ്ട്. പണ്ട് പെൺകുട്ടികളെ പേടിപ്പിച്ചും ഭീഷണിപ്പെടുത്തിയും (ഇപ്പോഴുമുണ്ട്) കാര്യം സാധിച്ചിരുന്നെങ്കിൽ ഇപ്പോഴത് കൊലപാതകത്തിൽ എത്തിച്ചേർന്നിരിക്കുന്നു. പ്രണയ വിവാഹങ്ങൾ ഈ ഇരുപ്പതിയൊന്നാം നൂറ്റാണ്ടിലും കേരളീയ സമൂഹത്തിൽ കുറവാണ്. ജാതിയുടെയും മതത്തിന്റെയും വേലികെട്ടുകൾ പൊളിച്ചുള്ള വിവാഹങ്ങളോ ചുരുക്കവും. നമ്മൾ ഇപ്പോഴും തീണ്ടലിന്റെയും തൊട്ടുകൂടായ്മകളുടെ ലോകത്താണ്. അതുകൊണ്ടാക്കെ തന്നെയാണ് ‘പുതുക്രിസ്ത്യാനിയും’ , ‘കൊല്ലചെക്കനും’ നമ്മുടെ നാട്ടിൽപ്പുറങ്ങളിൽ സാധാരണ ഭാഷയാകുന്നത്. ദീലിഷ് പോത്തന്റെ തൊണ്ടിമുതലും ദൃക്സാക്ഷിയും ഒപ്പിയെടുത്ത ഗ്രാമീണക്കാഴ്ച്ചകൾ കാല്‍പനികത കലരാത്ത യാഥാർത്ഥ്യങ്ങളാണ്. പക്ഷേ നമ്മൾ അതൊന്നും അംഗീകരിക്കാറില്ല. പോയ തലമുറ പോകട്ടെ, വരും തലമുറയില്ലെങ്കിലും ഒരു പ്രതീക്ഷയുണ്ടായിരുന്നു. എന്നാൽ അവരും വിഭിന്നരല്ലെന്നു ഷാനുവും കാണിച്ചു തന്നു. അളിയനെ കൊന്ന ആങ്ങളയും മകളെ വെട്ടി കൊന്ന അപ്പനും ഉയർത്തിക്കാട്ടുന്ന ഒരു അഭിമാനബോധമുണ്ടല്ലോ, അത് കേവലം മലയാളികളുടെ നികൃഷ്ടമായ കപട ചിന്താഗതിയിൽ ഉടലെടുത്തതാണ്. അന്യനെ ‘മര്യാദ’ പഠിപ്പിക്കാൻ ഇറങ്ങുന്ന സദാചാരക്കാരും ജാത്യാലുള്ളത് തൂത്താൽ പോകില്ലെന്നു അടക്കം പറയുന്ന കാർന്നോമാരും പഠിപ്പിക്കുന്ന അവജ്ഞയുടെ രാഷ്ട്രീയം വേണ്ടന്നു വേക്കാൻ എന്നു നമ്മൾ പഠിക്കുന്നുവോ അന്നേ ഈ ഭ്രാന്താലയത്തിന്റെ ശവപ്പെട്ടിയിൻമേൽ ആണികളടിക്കാൻ പറ്റു.